آل پراٸیویٹ اسکولز مینجمنٹ ایسوسی ایشن سندھ کے ایک وفد نے مرکزی چیٸرمین سید طارق شاہ کی قیادت میں ڈاٸریکٹر جنرل سندھ محمد افضال سے ملاقات کی۔ وفد نے D.G پراٸیویٹ اسکولز کو سندھ میں پراٸیویٹ اسکولز کو درپیش مساٸل سے آگاہ کیا اور ایسوسی ایشن کی جانب سے چارٹر آف ڈیمانڈ پیش کیا۔
تحریری مطالبے میں نٸے تعلیمی اداروں کی رجسٹریشن پر پابندی کے خاتمے، موجودہ مہنگائی کے تناسب سے ماہانہ فیسوں میں صرف پانچ فیصد کے غیر منطقی اضافے ، نجی تعلیمی اداروں میں غیر ضروری افراد کی مداخلت، سندھ کے دور دراز علاقوں کے پراٸیوٹٹ اسکولز کو لیونگ سرٹیفکیٹ کے اجرا کے مساٸل، ریجنل آفس حیدرآباد اور شھید بینظیر آباد کے ڈاٸریکٹوریٹ آفس کی انتہائی خراب کارکردگی و دیگر مساٸل پر سیر حاصل گفتگو کی۔
اس موقع پر ڈاٸریکٹوریٹ آفس سندھ کے دیگر ڈپٹی ڈاٸریکٹرز ، اپسما سندھ کے واٸس چیٸرمین عتیق شمسی، ناٸب صدر کراچی ریجن شبیع احمد، ریجنل صدر میرپورخاص فیصل خان زٸّ ریجن حیدرآباد کے صدر اقبال عباسی، جنرل سیکرٹری ثاقب صدیقی، تعلقہ لطیف آباد کے صدر کشف احمد بھی موجود تھے۔
