کراچی : اعلیٰ ثانوی تعلیمی بورڈ کراچی نے انٹرمیڈیٹ کے ضمنی امتحانات برائے 2023ء کے سائنس پری میڈیکل، پری انجینئرنگ، سائنس جنرل، کامرس، آرٹس اور ہوم اکنامکس گروپس کے پرائیویٹ امیدواروں بشمول امپروومنٹ آف گریڈ /مارکس (لاسٹ چانس)، بینیفٹ کیسز (لاسٹ چانس) اور ایڈیشنل سبجیکٹس کے امتحانات میں شرکت کے خواہشمند اور اہل امیدواروں کیلئے بروز جمعہ 27 اکتوبر سے بروز منگل 14نومبر 2023ء تک امتحانی فارم جمع کروانے کی تاریخوں کا اعلان کر دیا ہے۔
تفصیلات کے مطابق سائنس پری میڈیکل، پری انجینئرنگ، سائنس جنرل، کامرس، آرٹس اور ہوم اکنامکس گروپس بشمول امپروومنٹ آف گریڈ /مارکس (لاسٹ چانس)، بینیفٹ کیسز (لاسٹ چان) اور ایڈیشنل سبجیکٹس کے پرائیویٹ امیدوار اپنے امتحانی فارمز بروز جمعہ 27 اکتوبر سے بروز منگل 14 نومبر 2023ء تک انٹربورڈ کی لائبریری میں واقع یو بی ایل (UBL) بوتھ میں جمع کروا سکتے ہیں۔
طلبہ انٹربورڈ کراچی کی دی گئی سہولت سے سے فائدہ اٹھاتے ہوئے اپنے امتحانی فارم کی فیس یو بی ایل کی کسی بھی برانچ میں اکاؤنٹ نمبر UBL-CMA-252536591 میں بھی جمع کروا سکتے ہیں ۔
طلباء جمع کرائی گئی فیس کا واؤچر اور اپنا امتحانی فارم شیڈول کے مطابق دی گئی تاریخوں میں بورڈ آفس کے متعلقہ سیکشن میں جمع کروانے کے پابند ہوں گے بصورت دیگر ان کا فارم قبول نہیں کیا جائے گا اور فیس ضبط کرلی جائے گی۔
ایسے امیدوار جو مقررہ تاریخ تک اپنے امتحانی فارم جمع نہ کرواسکیں وہ 500 روپے لیٹ فیس کے ساتھ بروز بدھ 15 نومبر سے بروز منگل 21 نومبر تک جبکہ 1000روپے لیٹ فیس کے ساتھ بروز بدھ 22 نومبر سے بروز پیر 27 نومبر تک اپنے فارمز جمع کروا سکتے ہیں۔
طلبہ امتحانی فارم او ر فیس واؤچر بورڈ کی ویب سائٹ www.biek.edu.pk سے ڈاؤن لوڈ کرسکتے ہیں۔طلبہ کو آگاہ کیا جاتا ہے کہ درج بالا تاریخیں گزرنے کے بعد امتحانی فارمز قبول نہیں کیے جائیں گے۔
