کراچی : قانون پر عملدرآمد نا کرنے، سالانہ فیس لیب چارجز کی غیر قانونی وصولی اور ماہانہ فیسوں میں من مانا اضافہ کرنے پر شاہین پبلک اسکول کے مزید دو کیمپسز واقع گلستاں جوہر بلاک 2 اور گلشن اقبال بلاک 7 کی رجسٹریشن معطل کر دی گئی ۔
وصول کی گئیں اضافی فیسوں کو طلبہ کو واپس کرنے کے احکامات جاری کر دیئے گئے. اسکے ساتھ ساتھ ڈائریکٹوریٹ نے برٹش کونسل کراچی کو ایک خط لکھا ہے کہ شاہین پبلک اسکول کا کوئی بھی کیمپس او لیول کلاسز کے لئے رجسٹرڈ نہیں کیا گیا ۔
اگر بر ٹش کونسل کے پاس اگر اسکول انتظامیہ نے کوئی دستاویز جمع کروائی ہیں تو وہ ڈائریکٹوریٹ کو بھیج دی جائیں، کیونکہ اسکول کی گلستان جوہر بلاک 2 میں قائم کیمپس میں اولیول کی کلاسز منعقد کی جاتی ہیں اور طلبہ ان امتحانات میں بھی شرکت کرت ہیں ۔
مزید اے کیو خان اسکول سسٹم نارتھ ناظم آباد کراچی کو زائد فیسوں کی وصولی پر وضاحتی خط جاری کرتے ہوئے زائد فیسوں کو طلبہ کو واپس کرنے اور سات روز کے اندر اندر عملدرآمد کی رپورٹ طلب کر لی گئی ہے ۔
بصورتِ دیگر اسکول کے خلاف قانونی کارروائی عمل میں لائی جائے گی ۔
