کراچی : ہائر ایجوکیشن کمیشن (ایچ ای سی) نے وزیر اعظم (پی ایم) یوتھ پروگرام کے تحت نیشنل انوویشن ایوارڈ کا اعلان کیا ہے ۔
پروگرام کے تحت، ملک کے نوجوانوں کو مالی مدد فراہم کی جائے گی تاکہ ان کے خیالات کو پائیدار کاروبار میں تبدیل کرنے میں ان کی مدد کی جا سکے ۔ اس اقدام کا مقصد گلوبل انوویشن انڈیکس (GII) میں پاکستان کی پوزیشن کو بڑھانا ہے ۔
سب سے زیادہ رقم جو کسی اسٹارٹ اپ کو دی جائے گی وہ 2 ملین روپے ہے ، جو دو قسطوں میں دیئے جائیں گے ۔
وزیر اعظم کا نیشنل انوویشن ایوارڈ کیا ہے ؟
نیشنل انوویشن ایوارڈ کیلئے نئے آئیڈیاز درج ذیل عنوان و موضوعات کیلئے دیئے جا سکتے ہیں ۔
فوڈ سیکورٹی
پانی کا انتظام اور پائیداری ( واٹر مینجمنٹ اینڈ سسٹین ایبلٹی )
پائیدار توانائی ( Sustainable Energy )
شہری منصوبہ بندی (Urban Planning)
انفارمیشن ٹیکنالوجی اور ٹیلی کام ( Information Technology and Telecom )
سوشیالوجی اور فلسفہ (Sociology and Philosophy )
میڈیکل اور ہیلتھ سائنسز (Medical and Health Sciences)کے علاوہ کوئی اور فیلڈ بھی ہو سکتی ہے ۔
شرائط برائے اہلیت
تمام پاکستانی نوجوان، بشمول آزاد جموں و کشمیر (AJK) اور گلگت بلتستان (GB) کے شہری، جن کی عمر 15-30 سال ہے، پروگرام کے لیے درخواست دینے کے اہل ہیں ۔
اپلائی کرنے کا طریقہ
امیدوار نیشنل انوویشن ایوارڈ کے لیئے پی ایم یوتھ پروگرام کی ویب سائٹ یا موبائل ایپ کے ذریعے درخواست دے سکتے ہیں ۔
ڈیڈ لائن
مندرجہ بالا پورٹلز پر اختراعی آئیڈیاز جمع کرانے کے لیے آخری 30 جنوری 2023 ہے ۔
مزید تفصیلات
مزید تفصیلات کے لیئے امیدواروں کو مشورہ دیا جاتا ہے کہ وہ پی ایم یوتھ پروگرام کی آفیشل ویب سائٹ دیکھیں ۔
