کراچی : جامعہ کراچی کے ایوننگ پروگرام میں داخلوں کے لئے فارم جمع کرانے کی تاریخ میں 16 جنوری تک توسیع کر دی گئی ہے ۔ ایوننگ پروگرام میں داخلوں کے لئے 15 جنوری کو ہونے والاداخلہ ٹیسٹ اب 22 جنوری کو ہو گا ۔
انچارج ڈائریکٹوریٹ آف ایڈمیشنزجامعہ کراچی ڈاکٹر صائمہ اختر کے مطابق ایوننگ پروگرام میں جامعہ کے مختلف شعبہ جات میں بی ایس فرسٹ ایئر، تھرڈ ایئر اور ڈپلومہ، سرٹیفیکیٹ پروگرامز میں داخلوں کے لئے فارم جمع کرانے کی تاریخ میں 16 جنوری2023ء تک توسیع کر دی گئی ہے۔
جبکہ شعبہ کمپیوٹر سائنس بی ایس سی ایس، بی ایس ایس ای اور اپلائیڈ فزکس کا 15 جنوری کو ہونے والا داخلہ ٹیسٹ اب 22 جنوری 2023 ء کو منعقد ہو گا۔ داخلہ ٹیسٹ کی تاریخ، وقت اور مقام کے حوالے سے تمام امیداروں کو بذریعہ ایس ایم ایس بھی آگاہ کر دیا جائے گا۔
طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے www.uokadmission.edu.pk پر رابطہ کر سکتے ہیں، جہاں تمام معلومات موجود ہیں۔
