لاہور : (ایجوکیشن نیوز) گورنر پنجاب کے پرنسپل سیکرٹری بیرسٹر نبیل اے اعوان کے دستخط سے جاری ہونے والے نوٹیفیکیشن کے مطابق پروفیسر ڈاکٹر ساجد رشید کو اوکاڑہ یونیورسٹی کا وائس چانسلر مقرر کر دیا گیا ہے ۔
تفصیلات کے مطابق گورنر پنجاب بلیغ الرحمن کے پرنسپل سیکرٹری بیرسٹر نبیل اے اعوان کی جانب سے جاری کردہ نوٹی فکیشن کے مطابق گورنر پنجاب نے آئین کی دفعہ 9(12) کے تحت اختیارات کا استعمال کرتے ہوئے وائس چانسلر کی خالی آسامی پر اضافی چارج دے کر پنجاب یونیورسٹی کی فیکلٹی آف جیو سائنسز کے ڈین پروفیسر ڈاکٹر ساجد رشید کو وائس چانسلر مقررکیا ہے ۔
یہ چارج انیس جنوری دو ہزار تئیس سے تین ماہ یا ریگولر وائس چانسلر کی تعیناتی تک ہو گا ۔
