اسلام آباد : صدر عارف علوی نے وفاقی اردو یونیورسٹی برائے آرٹس ، سائنس اور ٹیکنالوجی کے 4 سینیٹ ممبران کی تعیناتی کی منظوری دے دی ۔
وفاقی اردو یونیورسٹی کی ٹیچر سوسائٹی سے شاہد شفیق بطور سینیٹ ممبر فیڈرل اردو یونیورسٹی تعینات کر دیئے گئے ہیں ۔
تدریسی شعبے سے پروفیسر ڈاکٹر سروش حشمت لودھی ، پروفیسر ڈاکٹر محمد خالد انیس اور پروفیسر ڈاکٹر تنویر خالد بطور سینیٹ ممبران تعینات کیئے گئے ہیں ۔
صدر مملکت نے تعیناتیاں آئین کے آرٹیکل 48 ایک ، رولز آف بزنس اور یونیورسٹی کے آرڈیننس کے تحت کی ہیں ۔
