منگلورو ( ایجوکیشن نیوز ) بھارتی ریاست کرناٹکا کے شہر منگلورو میں سینٹ جوزف انجینئرنگ کالج کے چار طالب علموں کو بالی ووڈ گانے پر برقع پہن کر رقص کرنے پر داخلہ معطل کر دیا گیا ۔
یہ واقعہ ایک کالج فنکشن کے دوران پیش آیا ، جہاں برقعہ پہنے چار طالب علموں نے اسٹیج پر چڑھ کر اچانک بالی ووڈ کے گانے پر رقص شروع کر دیا۔
مختلف سوشل میڈیا پلیٹ فارمز پر وائرل ہونے والی ویڈیو میں سینٹ جوزف انجینئرنگ کالج کے مذکورہ چار طالب علم دبنگ فلم کے بالی ووڈ گانے فیوی کول سے پر رقص کرتے نظر آ رہے ہیں۔
مذید پڑھیں : جامعہ ہری پور کے طالبعلم حافظ زبیر اسلم کو IR میں نمایاں کامیابی پر گولڈ میڈل تفویض
کلپ میں طلبا کو اچانک اسٹیج پر گھستے ہوئے دیکھا جا سکتا ہے۔ کالج نے ٹویٹر پر جاری اپنے پیغام میں بتایا کہ چاروں طالب علموں کو ان کے نامناسب رویے کی وجہ سے معطل کر دیا گیا ہے۔
کالج کا کہنا ہے کہ چاروں کا ڈانس پروگرام کا حصہ نہیں تھا۔کالج نے ایک اور ٹویٹ میں بتایا گیا مذکورہ چاروں طالب علم مسلمان ہیں ۔
