اتوار, دسمبر 22, 2024
صفحہ اولتازہ ترینانٹر بورڈ : سال دوم سائنس جنرل ،کامرس و آرٹس کے اسکروٹنی...

انٹر بورڈ : سال دوم سائنس جنرل ،کامرس و آرٹس کے اسکروٹنی فارم وصولی کا اعلان

کراچی : اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ سال دوم کے سائنس جنرل، کامرس ریگولر، کامرس پرائیویٹ، آرٹس ریگولر اور آرٹس پرائیویٹ گروپس کے ضمنی امتحانات برائے 2022ء کے اسکروٹنی فارم بروز جمعہ 28 اپریل سے بروز جمعہ 26 مئی 2023ء تک وصول کیے جائیں گے ۔

اسکروٹنی کروانے کے خواہش مند طلباء اپنے اسکروٹنی فارم درج بالا تاریخوں میں انٹر بورڈ میں واقع یونائیڈ بینک لمیٹڈ کے بوتھ میں جمع کروا سکتے ہیں ۔

یاد رہے کہ انٹربورڈ کراچی نے طلباء کی مشکلات کے پیش نظر کراچی میں UBL کی تمام برانچوں میں فیس جمع کروانے کی سہولت بھی متعارف کروائی ہوئی ہے ۔

طلباء اسکروٹنی فارم اور فیس واؤچر انٹربورڈ کی ویب سائٹ www.biek.edu.pk سے ڈاؤن لوڈ کر کے UBL کی کسی بھی برانچ میں اکاؤنٹ نمبر UBL-CMA-252536591 میں فی پرچہ 400 روپے اور ڈاؤن لوڈ فارم کی 100روپے فیس جمع کروا سکتے ہیں ۔

جب کہ جمع کرائی گئی فیس کا واؤچر اور اپنا فارم بورڈ کے متعلقہ سیکشن میں جمع کروانا ہو گا ۔ علاوہ ازیں درج بالا گروپس کے ریگولر امیدواروں کی مارکس شیٹس متعلقہ کالجوں میں جبکہ پرائیویٹ امیدواروں کی مارکس شیٹس ان کی جانب سے دیئے گئے پتوں پر بھیج دی گئی ہیں ۔

متعلقہ خبریں

تبصرہ کریں

مقبول ترین