کراچی : اعلیٰ ثانوی تعلیمی بورڈ کراچی نے انٹرمیڈیٹ حصہ دوم اور حصہ اول و دو م باہم کے سائنس، کامرس اور آرٹس گروپس کے پرائیویٹ امیدواروں بشمول امپروومنٹ آف گریڈ، بینیفٹ کیسز، ایڈیشنل سبجیکٹس، شارٹ سبجیکٹس اور ٹی پی (ٹوٹل پیپرز) کے سالانہ امتحانات برائے 2023ء میں شرکت کے خواہش مند امیدواروں کو امتحانی فارمز جمع کروانے کا آخری موقع دیتے ہوئے بروز منگل 16 مئی اور بروز بدھ 17 مئی 2023ء کی نئی تاریخوں کا اعلان کر دیا ہے۔
ایسے تمام امیدوار اپنے امتحانی فارمز درج بالا تاریخوں میں ایک ہزار روپے لیٹ فیس کے ساتھ انٹربورڈ آفس کی لائبریری میں قائم یونائیٹڈ بینک لمیٹڈ (UBL) کے بوتھ میں جمع کروا سکتے ہیں۔
طلبہ انٹربورڈ کراچی کی دی گئی سہولت سے سے فائدہ اٹھاتے ہوئے اپنے امتحانی فارم کی فیس یو بی ایل کی کسی بھی برانچ میں اکاؤنٹ نمبر UBL-CMA-252536591 میں جمع کروا سکتے، طلباء جمع کرائی گئی فیس کا واؤچر اور اپنا امتحانی فارم شیڈول کے مطابق دی گئی ۔
تاریخوں میں بورڈ آفس کی انکوائری میں جمع کروانے کے پابند ہوں گے بصورت دیگر ان کا فارم قبول نہیں کیا جائے گا اور فیس ضبط کرلی جائے گی۔ امتحانی فارمز اعلیٰ ثانوی تعلیمی بورڈ کراچی کی آفیشل ویب سائٹ www.biek@edu.pk سے بھی ڈاؤن لوڈ کیے جا سکتے ہیں۔
