کراچی: اسماعیل شہید ڈسپنسری کو نشئی اور منشیات فروشوں سے نجات دلانے کے لئے پولیس پہنچ گئی ۔
سائیٹ ٹاؤن میں قائم سالوں سے غیر فعال ڈسپنسری کو منشیات کے عادی افراد سے پاک کروایا جائے گا ۔ فلاحی ادارے کی جانب سے ڈسپنسری کو نشئی افراد کی بحالی کا سینٹر بنایا جائے گا ۔
ڈسپنسری میں کچھ شر پسند عناصر کے سبب پولیس کو مزاحمت کا سامنا کرنا پڑا ۔ پولیس اور شر پسند عناصر کے درمیان تلخ کلامی ہو گئی ۔ میڈیا نے کچھ روز پہلے اسماعیل شہید ڈسپنسری کی حالتِ زار رپورٹ کی تھی ۔
ڈسپنسری کا افتتاح یکم دسمبر 1992 کو بلدیہ غربی کے زیر اہتمام کیا گیا تھا ۔ ڈسپنسری کو صوبائی حکومت اور بلدیہ عظمٰی تسلیم کرنے کو تیار ہی نہیں ۔اسمٰعیل شہید ڈسپنسری نشے کے عادی افراد کا مسکن بن گئی ۔