وفاق المدارس الاسلامیہ الرضویہ کے چیئرمین ڈاکٹر مفتی محمد کریم خان۔مرکزی نائب صدر ڈاکٹر شمس الرحمن شمس،مرکزی ترجمان محمد اکرم رضوی نے خطاب کرتے ہوئے کہا کہ بندوق کے زور پر مخالف نظریات کی آواز دبانا گمراہ کن ہے،اسلام انسانی جان کی حرمت کا سب سے بڑا علمبردار ہے،پاک فوج اور سیکورٹی اداروں پر حملے قابل مذمت ہیں۔
آئین کی اسلامی شقوں پر فوری عملدرآمد یقینی بنایا جائے، افغانستان کی طرف سے پاکستانی حدود کی خلاف ورزی اور حملے باعث تشویش ہیں۔ سیکولر ازم کو پاک سر زمین پر کبھی مقبولیت حاصل نہیں ہو گی،اسلام سے بے وفائی کرنے والے کبھی سرخرو نہیں ہو سکتے،دہشت گردی اور انتہاء پسندی کے خاتمے کےلئے صوفیاء کی تعلیمات کو اپنانے اور پھیلانے کی ضرورت ہے،نظام مصطفیٰ کے نفاذ سے نیا پاکستان بنے گا،انتہاء پسندی کا عفریت قومی سلامتی کو نقصان پہنچا رہا ہے۔پاکستان کے مدارس اسلام کے مضبوط قلعے ہیں۔طاقت کے بل بوتے پر اپنے نظریات دوسروں پر مسلط کرنا فساد فی الارض ہے۔قوم کے ہر دکھ کی دوا نظام مصطفے میں مضمر ہے۔غیر مسلموں کی عبادت گاہوں پر حملے اسلامی تعلیمات کے منافی ہیں۔
ان خیالات کا اظہار انہوں نے وفاق المدارس الاسلامیہ الرضویہ پاکستان کے تحت جامعہ علمیہ میں منعقدہ پیغام پاکستان مدارس کنونشن سے خطاب کرتے ہوئے کیا۔مقررین نے کہا وطن عزیز میں دہشت گردی، انتہاء پسندی سے نجات کےلئے تمام محب وطن قوتوں کو مل کر چلنا ہوگا۔ملک کو انتہاء پسندی، دہشت گردی اور لاقانونیت کے بھنور سے نکال کر جدید اسلامی فلاحی ریاست بنانا ہوگا۔اسلام کے نام پر دہشت گردی کرنے والے اسلام کو بدنام کر رہے ہیں۔ہوش ربا مہنگائی اور پٹرولیم مصنوعات میں اضافہ غریب عوام پر ڈرون حملہ ہے۔اسلام اور پاکستان کی محبت کو دوستی اور دشمنی کا معیار بنانا ہوگا۔نظام مصطفے کا نفاذ ہی استحکام پاکستان کا ضامن ہے۔
پیغمبر امن و رحمت کے امتی امن کا پرچم بلند رکھیں۔فرقہ پرست قوتیں اسلام، پاکستان اور مدارس کو بدنام کرنے سے باز آجائیں.کنونشن سےمرکزی رکن شوری ڈاکٹر عمران انور نظامی۔مفتی محمد افضل نعیمی،مفتی شفاقت علی ہمدمی۔علامہ ممتاز احمد ربانی ایڈووکیٹ،مولانامجاہد عبدا لرسول۔مولانابرکات صدیقی، قاری عنصرسلطانی،مفتی جوادرسول،مولانا عرفان عاصی، مولانااحتشام حیدر،مفتی امان اللہ شاکر۔مفتی محمد عابد رضوی،احسن جاوید اور دیگر نے بھی خطاب کیا۔۔۔#
