جمعہ, مئی 17, 2024
صفحہ اولتازہ ترینمیٹرک بورڈ نے دسویں جماعت سائنس گروپ کے نتائج کا اعلان کر...

میٹرک بورڈ نے دسویں جماعت سائنس گروپ کے نتائج کا اعلان کر دیا

کراچی : ثانوی تعلیمی بورڈ کراچی نے دسویں جماعت سائنس گروپ کے نتائج کا اعلان کر دیا ہے ۔ کامیابی کا کل تناسب 86.30 رہا ہے ۔

 

تفصیلات کے مطابق ثانوی تعلیمی بورڈ کراچی نے دسویں جماعت سائنس گروپ کے نتائج کا اعلان کر دیا ہے ۔ نتائج کا اعلان سیکرٹری بورڈ یونیورسٹی نور احمد سموں ‛ چیئرمین انٹر بورڈ پروفیسر نسیم احمد میمن ‛ چیئرمین میٹرک بورڈ ڈاکٹر شرف علی شاہ ‛ ناظم امتحانات عمران طارق بٹ ‛ سیکرٹری میٹرک بورڈ نوید احمد سمیت دیگر افسران کی موجودگی میں ہومیو پیتھک کالج آڈیٹوریم ناظم آباد میں کیا گیا ۔

 

نتائج کے مطابق امسال 2023 میں میٹرک بورڈ دسویں جماعت سائنس گروپ میں کل  156068 طلباء و طالبات نے امتحانانی فارم جمع کرائے تاہم امتحانات میں 156022 امیدوار شریک ہوئے ۔ جس کے بعد 134646 طلباء و طالبات نے مجموعی طور پر کامیابی حاصل کی ہے ۔ یوں کامیابی کا کل تناسب 86.30 فیصد تھا ۔

 

مجموعی طور پر اے ون گریڈ لینے والے طلبہ کی تعداد 33967 ‛ اے گریڈ لینے والے طلبہ کی تعداد 45080 ‛ بی گریڈ لینے والے طلبہ کی تعداد 34250 ‛ سی گریڈ لینے والے طلبہ کی تعداد 18033 اور D گریڈ میں پاس ہونے والے طلبہ کی تعداد  3037 اور ای گریڈ میں پاس ہونے والے طلبہ کی تعداد 16 ہے ۔

پہلی پوزیشن شہیرا فاطمہ نے 1044 نمبر ‛ دوسری پوزیشن رابیسہ علی نے 1035 نمبر ‛ تیسری پوزیشن محمد عمیر اقبال انصاری نے 1031 نمبر حاصل کیئے ہیں ۔

اس کے علاوہ جنرل گروپ ریگولر اور پرائیویٹ میں پہلی تین پوزیشن لینے والوں میں زیتون نے 926 نمبر ‛ دوسری پوزیشن سیدہ خضرا عامر نے 959 نمبر اور تیسری پوزیشن نشرہ نے 947 نمبر حاصل کیئے ہیں ۔

 

امتحان میں پوزیشن لینے والے طلبہ و طالبات کو نقد انعامات سے نوازہ گیا ۔ جب کہ بورڈ میں نتائج کے مہمانان کو شیلڈ اور اجرک کے تحائف بھی پیش کئے گئے ۔

 

تقریب سے خطاب کرتے ہوئے چیئرمین میٹرک بورڈ ڈاکٹر شرف علی شاہ نے کہا کراچی ماڈل سٹی ہے اور میں اس شہر کے بورڈ کا چیئرمین ہوں ۔ بورڈ میں آنے والے تمام مہمانوں ‛ تعلیمی افسران سمیت والدین و اساتذہ کو خوش آمدید کہتا ہوں ۔

 

سیکرٹری بورڈ اینڈ یونیورسٹی نور احمد سموں کا کہنا تھا کہ مجھے خوشی ہے کہ میں طلبہ کی اس تقریب میں آیا ہوں ۔ بورڈ کو ٹاپ کرنے والے طلبہ کو مبارک باد پیش کرتا ہوں ۔ ہمارے تعلیمی سلسلے کا فوکس ہمارے طلبہ ہی ہیں ۔ بچوں کیساتھ ساتھ اساتذہ اور والدین کیلئے بھی اعزاز ہے ۔ میں نتائج سے خوش ہوں کہ زیادہ طلبہ کے نتائج اے ون گریڈ ہے ۔ میں نے بھی حیدر آباد بورڈ سے امتحان دیا تھا تو نتائج کے روز بہت خوش تھا ۔

 

متعلقہ خبریں

1 تعليق

تبصرہ کریں

مقبول ترین