کراچی : جامعہ کراچی داخلے برائے سال 2024 ء کے لئے آن لائن داخلہ فارم جمع کرانے کی تاریخ میں 13 نومبر تک توسیع کر دی ۔
انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اختر کے مطابق بی ایس ، بی ایڈ ( آنرز ) ، اسپورٹس بزنس مینجمنٹ ، ویژول اسٹڈیز ، بی ای (مارننگ پروگرام) اور ڈاکٹر آف فارمیسی (مارننگ وایوننگ پروگرام ) میں آن لائن داخلے برائے سال 2024ء کے لئے داخلہ فارم جمع کرانے کی تاریخ میں 13 نومبر 2023 ء تک توسیع کردی گئی ہے۔
طلبہ تمام معلومات بمعہ آن لائن داخلہ فارم اور پراسپیکٹس کے حصول کے لئے ویب سائٹ www.uokadmission.edu.pk پر وزٹ کرسکتے ہیں،جہاں طلبہ کے لیۓ تمام معلومات موجود ہیں۔
