اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ کے ضمنی امتحانات برائے 2023ء بروز پیر 15 جنوری 2024ء سے شروع ہورہے ہیں۔
تفصیلات کے مطابق انٹرمیڈیٹ کے تمام گروپس سائنس پری میڈیکل، پری انجینئرنگ، سائنس جنرل، ہوم اکنامکس، کامرس ریگولر، کامرس پرائیویٹ، آرٹس ریگولر، آرٹس پرائیویٹ اور خصوصی امیدواروں کے ضمنی امتحانات بروز پیر15 جنوری 2024ء سے شروع ہورہے ہیں جو بروز منگل 06 فروری 2024ء تک جاری رہیں گے۔
دوپہر کی شفٹ میں ہونے والے یہ امتحانات دوپہر دو بجے سے شام پانچ بجے تک ہوں گے جبکہ جمعہ کے روز سہ پہر تین بجے سے پانچ بجے تک ہوں گے۔
