لاہور : محققین کے لیے COMSTECH ایوارڈز 2023 کے لیے درخواست کیسے دیں گے ؟
آرگنائزیشن آف اسلامک (OIC) تعاون کی قائمہ کمیٹی برائے سائنسی اور تکنیکی تعاون (COMSTECH) نے OIC کے رکن ممالک کے ممتاز محققین کے لیے ایوارڈز 2023 کا اعلان کیا ہے ۔
واضح رہے کہ COMSTECH ریاضی اور طبیعیات میں لائف ٹائم کنٹریبیوشنز ایوارڈ اور سائنس اینڈ ٹیکنالوجی کے ریسرچ پیپر پر ایوارڈز فار ایکسیلنس دیتا ہے ۔
یہاں آپ COMSTECH ایوارڈز برائے 2023 کے بارے میں تفصیلی طور پر جانیئے
اقسام
1۔ ریاضی اور طبیعیات میں لائف ٹائم کننٹری بیوشن ایوارڈ
COMSTECH جنرل اسمبلی کے اپنے آئندہ اجلاس میں ریاضی اور طبیعیات کے شعبوں میں ایوارڈز دے گا ۔ ہر ایوارڈ میں ایک سرٹیفکیٹ، اعزازی شیلڈ اور 8 ہزار ڈالر نقد دیئے جائیں گے۔
2. سائنس اور ٹیکنالوجی میں ایکسی لینس کے لیے COMSTECH ایوارڈز
سائنس اور ٹیکنالوجی میں عمدہ کارکردگی کے لیے COMSTECH ایوارڈز کو بھی تین ایوارڈز میں تقسیم کیا گیا ہے ۔ جن میں پہلے نمبر پر COMSTECH نوجوان محقق ایوارڈ کے تحت ایسے محقق کو ایوارڈ جائے گا جو جس امیدوار کی عمر 31 مارچ 2023 تک 40 سال سے کم ہو گی ۔ دوسرے نمبر پر بہترین سائنسی کتاب کے تحت 2021-2022 کے دوران ایک بین الاقوامی پبلشر کے ذریعہ شائع کیا جانے والے ریسرچ پیپر کو ایوارڈ یا جائے گا اور تیسرے نمبر پر پیٹنٹ (Patent) کے ان امیدواروں انعام دیا جائے گا ، جن کی دریافت کو متعلقہ شعبوں میں قابل ذکر شراکت کے طور پر تسلیم کیا گیا ہو گا ۔ جس کا تجارتی نظام کی تھیوری یا ترقی پر طویل مدتی اثر انداز ہونا شامل ہیں ۔ اور اس میں صرف پچھلے پانچ سالوں کے دوران رجسٹرڈ ہونے والے پیٹنٹ پر غور کیا جائے گا ۔ اور ان تینوں ایوارڈز میں سے ہر ایک میں ایک سرٹیفکیٹ، شیلڈ آف آنر، اور 4 ہزار ڈالر نقد انعام شامل ہیں ۔
3. بہترین تحقیقی مقالہ
COMSTECH حیاتیات، کیمسٹری، ریاضی اور طبیعیات میں بہترین تحقیقی مقالے کے لیے درخواستیں بھی لے رہا ہے ۔ یہاں یہ بات قابل ذکر ہے کہ تحقیق اصل ہونی چاہیے اور اسے 2021-22 میں امپیکٹ فیکٹر انٹرنیشنل جرنل میں شائع کیا جانا چاہیے ۔ اس زمرے میں جیتنے والے کو ایک سرٹیفکیٹ، اعزازی شیلڈ، اور 25 سو ڈالر نقد انعام دیا جائے گا ۔
مندرجہ بالا آنرز کے لیے درخواست فارم COMSTECH سے ڈاؤن لوڈ کیے جا سکتے ہیں ۔ فارم کو پُر کرنے کے بعد، امیدواروں کو ایک دستخط شدہ کور لیٹر اور متعلقہ نامزدگی کے کاغذات کی سافٹ کاپیاں awards@comstech.org. پر COMSTECH سیکرٹریٹ کو بھیجنی ہیں ۔ نامزدگی کسی بھی امیدوار کو متعلقہ میدان کے ماہر کے طور پر بھی ثابت کرتی ہے ۔
امیدواروں کو انگریزی زبان میں نامزدگیاں یا متعلقہ دستاویزات کا انگریزی ترجمہ درج ذیل دستاویزات کے ساتھ جمع کرانا ہو گا ۔
- دستخطوں کے ساتھ درخواست فارم مکمل کریں۔
- CV (4,000 الفاظ سے زیادہ نہیں)
- اشاعتوں کی فہرست
- ادارے کے سربراہ کی طرف سے توثیق کا خط
