کراچی : محکمہ تعلیم کالجز سندھ کے ڈائریکٹر جنرل کالجز سندھ اور گریڈ 20 کے حیوانیات کے پروفیسر ڈاکٹر نوید رب صدیقی کو عہدے سے ہٹا دیا گیا ہے ۔
میرپورخاص کے ریجنل ڈائریکٹر اور گریڈ 20 کے پروفیسر میر چند اوڈ کو ڈائریکٹر جنرل کالجز سندھ مقرر کر دیا گیا ہے ۔ ڈاکٹر نوید رب صدیقی کو گورنمنٹ بوائز کالج گلستان جوہر کراچی کا پرنسپل مقرر کردیا گیا ہے ۔
تفصیلات کے مطابق حکومت سندھ نے اچانک ڈائریکٹر جنرل کالجز سندھ اور گریڈ 20 کے حیوانیات کے پروفیسر ڈاکٹر نوید رب صدیقی کو عہدے سے ہٹا دیا گیا ہے ۔ نو تعینات ڈی جی کالجز پروفیسر میر چند اوڈ اپریل میں ریٹائرڈ ہو جائیں گے ۔
سندھ کے تمام ریجنل ڈائریکٹر اپریل تک ریٹائرڈ ہو جائیں گے ۔حیدر آباد کے ریجنل ڈائریکٹر پروفیسر مصطفی کمال 15 جنوری کو ، ریجنل ڈائریکٹر کراچی پروفیسر قاضی ارشد صدیقی میں ، لاڑکانہ کے ریجنل ڈائریکٹر پروفیسر الطاف ابڑو 31 دسمبر کو ، سکھر کے ریجنل ڈائریکٹر پروفیسر عبدالقادر چاچڑ 22 دسمبر کو ، شہید بینظیر آباد کے ریجنل ڈائریکٹر پروفیسر سلیمان سیال اپریل میں ریٹائرڈ ہو جائیں گے ۔
