اسلام آباد : جامعہ اشاعت الاسلام موہڑہ چوک میں تقریب ختم القرآن میں 30 طلبہ نے حفظ قرآن کریم مکمل کیا ہے ۔ دعائیہ تقریبات میں علمائے کرام سمیت طلبہ کے والدین کی بھی شرکت ، مجموعی طور پر 9 علمائے کرام تخصص اور 8 طلبات نے عالمہ کا کورس مکمل کیا ہے ۔
تفصیلات کے مطابق جامعہ اشاعت الاسلام موہڑہ چوک میں تقریب ختم القرآن کریم منعقد کی گئی جہاں پر مجموعی طور پر 30 سے زائد بچوں نے قرآن کریم حفظ مکمل کیا ہے ۔ جن کی دستاربندی کی گئی ہے تاہم اصل تقریب بعد میں کی جائے گی ۔
جامعہ اشاعت الاسلام موہڑہ چوک میں امسال 30 طلبہ نے حفظ مکمل کیا ہے اور 9 علمائے کرام نے تخصص مکمل کیا ہے اور 8 طالبات نے عالمہ کورس مکمل کیا ہے ۔ جب کہ مجموعی طور پر جامعہ میں لگ بھگ 200 سے زائد طلبہ و طالبات زیر تعلیم ہیں ۔
اس موقع پر ناظم تعلیمات مولانا قاری فیاقت محمود ہزاروی کے صاحبزادے عبداللہ نے بھی قرآن کریم حفظ مکمل کر لیا ہے ۔
