کراچی : سندھ حکومت کے اسکول ایجوکیشن اینڈ لٹریسی ڈپارٹمنٹ میں صوبے کے چھ اضلاع میں پرائیویٹ اسکولوں کے انسپکشن کے لیے مزید گریڈ 14 کے انسپکٹرز بھرتی کرنے کا فیصلہ کیا گیا ہے۔
ڈائریکٹریٹ آف انسپکشن اینڈ رجسٹریشن آف پرائیویٹ انسٹیٹیوشنز کہ ڈائریکٹر جنرل کے جاری کردہ نوٹیفکیشن کے مطابق کراچی کے پانچوں اضلاع میں جبکہ سندھ کے حیدر آباد ریجن، میرپور خاص ریجن، شہید بے نظیر آباد ریجن، سکھر ریجن اور لاڑکانہ ریجن میں بھی انسپکٹرز بھرتی کیے جائیں گے ۔
یہ شرط رکھی گئی ہے کہ درخواست گزار نے لازما سکھر آئی بی اے ٹیسٹنگ سروسز کی جانب سے منعقدہ جنرل اسکریننگ ٹیسٹ برائے گریجویشن کیٹیگری کم از کم 40 فیصد نمبروں سے کامیابی کے ساتھ پاس کیا ہو۔
واضح رہے کہ اس وقت سندھ بھر میں لاکھوں پرائیویٹ اسکول ہیں جن کی مکمل طور پر انسپکشن ہو سکتی ہے نہ ہی دیگر ضروری عوامل کی جانکاری کے لیئے کوئی رپورٹ مرتب کی جاتی ہے جس کی واحد وجہ سے ڈائریکٹوریٹ کے عملے کی واضح کمی ہے ۔
اس وقت ڈائریکٹریٹ آف انسپکشن اینڈ رجسٹریشن آف پرائیویٹ انسٹیٹیوشنز میں تعینات افسران محکمہ تعلیم اسکول اور کالجز سے لائے گئے افسران تعینات ہیں جب کہ اس ڈیپارٹمنٹ کے اپنے پہلی بار افسران تعینات کیئے جائیں گے ۔
