اسلام آباد (این این آئی) پی ٹی آئی کے سینیٹ میں نامزد قائد حزب اختلاف سینیٹر علامہ راجہ ناصر عباس کی زیر تعمیر یونیورسٹی کو کالعدم تنظیم ٹی ٹی پی کے خوارج کی جانب سے دھمکی موصول ہوئی ہے۔
خوارج کی دھمکی پر مجلس وحدت المسلمین نے ردعمل دیتے ہوئے کہا ہے کہ ہائی الرٹ سکیورٹی‘ پولیس ناکوں اور سخت حفاظتی دعووں کے باوجود ایک ہائی پروفائل دہشتگرد وفاقی دارالحکومت میں دندناتا پھر رہا ہے۔
انہوں نے مطالبہ کیا کہ اسلام آباد پولیس اور متعلقہ سکیورٹی ادارے اس سنگین واقعے کا فوری اور سخت نوٹس لیں اور ملوث دہشت گرد عناصر کو بے نقاب کر کے قانون کے کٹہرے میں لایا جائے ۔
