کراچی……ثانوی تعلیمی بورڈ کے تحت جاری سالانہ امتحانات کے موقع پر چیئرمین میٹرک بورڈ سید شرف علی شاہ نے کہا کہ امتحانات کے اختتام کے بعد پورے امتحانی عمل کا جائزہ لیا جائے گا۔
انہوں نے بتایا کہ تمام ویجلینس ٹیموں اور بورڈ کی ٹیموں کی جائزہ رپورٹ ہی کی روشنی میں آئندہ کے امتحانی مراکز کی کارکردگی کا فیصلہ کیا جائے گا۔
آج جمعرات کے روز دہم جماعت سائنس گروپ کیمسٹری کے پرچہ کے دوران ناظم امتحانات حبیب اللہ سہاگ نے مختلف امتحانی مراکز کے دورے کئے۔انہوں نے کہا کہ جمعرات کے روز صبح اور شام کی شفٹ میں موبائل فون اور نقل میں ملوث 129 امیدواروں کی رپورٹ بورڈ کے شکایتی سیل میں درج ہوئیں۔
مزید پڑھیں:انٹر بورڈ نے نجی تعلیمی اداروں کے نئے الحاق کی تاریخوں کا اعلان کردیا
تفصیلات کے مطابق 786 چلڈرن اکیڈمی سیکنڈری اسکول ہاکس بے روڈ ویجلینس ٹیم نے 3 امیدواروں سے موبائل فون اور نقل کا مواد پکڑا، گورنمنٹ بوائز سیکنڈری کے ٹی ایس نمبر 6 کورنگی سے ویجلینس ٹیم نے 8 امیدوار، دی اکنالج اکیڈمی کورنگی سے ویجلینس ٹیم نے 7 امیدوار، دی سٹی گرامر اسکمول اورنگی ٹاؤن سے ویجلینس ٹیم نے 1امیدوار، نونہال سیکنڈری اسکول سائٹ ٹاؤن سے ویجلینس ٹیم نے 1امیدوار، عزیز ملت ہائی اسکول اورنگی ٹاؤ ن سے ویجلینس ٹیم نے 3کیسز، آئیڈیل اکیڈمی سیکنڈری اسکول سے ویجلینس ٹیم نے 10امیدوار، ایکوا ایجوکیشنل اکیڈمی سیکنڈری اسکول گلستان جوہر سے ویجلینس ٹیم نے 22امیدوار، نیشنل گرامر اسکول شادمان ٹاؤن ملیر سے ویجلینس ٹیم نے 54 امیدوار، شہیدان وطن میموریل سیکنڈری اسکول اورنگی سے ویجیلنس ٹیم نے 7 امیدوار، غزالہ سیکنڈری اسکول اورنگی ٹاؤن سے ویجلینس ٹیم نے 3امیدوار کو نقل کرتے ہوئے پکڑا۔
اسی طرح شام کی شفٹ میں نہم و دہم جماعت جنرل گروپ میں اسلامیات (لازمی) کے پرچہ کے دوران ویجلینس ٹیم نے گورنمنٹ بوائز سیکنڈری اسکول اورنگی ٹاؤن سے 8 امیدوار، مفاد نسواں سیکنڈری اسکول شاہ فیصل سے ویجلینس ٹیم نے 2امیدواروں نقل کرتے ہوئے پکڑا۔
