نویں تا بارہویں جماعت قومی نصاب پر اتفاق، تاریخی سنگ میل ہے

اسلام آباد : آج قومی نصاب کونسل (این سی سی ) سیکرٹریٹ نے ایک تاریخی سنگ میل عبور کر لیا جب ملک بھر سے صوبائی و علاقائی نمائندوں نے نویں سے بارہویں جماعت کے قومی نصاب پر اتفاق رائے سے دستخط کر دیئے ۔

پاکستان کی تاریخ میں یہ پہال موقع ہے کہ پورے ملک کے لیے ایک بنیادی نصاب کو حتمی شکل دی گئی ہے، جس میں ابتدائی بچپن کی تعلیم اور گریڈ 1 سے 12 تک کے الزمی مضامین شامل ہیں ۔

مزید پڑھیں:مغرب پر تنقید یا سازشی نظریہ

ڈائریکٹر این سی سی ڈاکٹر مریم چغتائی نے ملک گیر نصاب میں اصالحات النے میں اہم کردار ادا کرنے پر صوبائی فوکل پرسنز کا تہہ دل سے شکریہ ادا کیا جن میں جناب عامر ریاض ( پنجاب), جناب ذوالفقار خان (خیبر پختونخوا)، جناب پیارو خان سہارن (سندھ)، جناب محمد سعید (بلوچستان)، راجہ محمد نصیر خان (آزاد جموں و کشمیر), جناب فیض ہللا لون (گلگت بلتستان)، اورجناب خواجہ مظہر الحق (جنوبی پنجاب) شامل ہیں۔

یہ اتفاق رائے تیسری بین الصوبائی نصاب ورکشاپ کے کامیاب اختتام پر حاصل کیا گیا جہاں ریاضی، فزکس، کیمسٹری، بائیولوجی، انگریزی، اردو، اسالمیات ، مطالعہ پاکستان اور کمپیوٹر سائنس سمیت گریڈ 9 سے 12 کے تمام بنیادی مضامین کے نصاب کو حتمی شکل دی گئی ۔ اس بات کو یقینی بنانے کے لئے کہ نصاب تمام طلبہ اور اسٹیک ہولڈرز کی ضروریات کے مطابق ہو۔

وفاقی وزیر برائے تعلیم و پیشہ ورانہ تربیت رانا تنویر حسین نے این سی سی سیکرٹریٹ کا دورہ کرکے پیش رفت کا تفصیلی جائزہ لیا اور ہر موضوع کے لیے کمیٹی میں سرکاری صوبائی / علاقائی ماہرین کے ساتھ ذاتی طور پر تفصیلی تبادلہ خیال کیا۔

مزید پڑھیں:جامعہ ہری پور میں خاتون ٹیچر کی شکایت پر قائم انکوائری ڈیڑھ ماہ بھی نامکمل

ین سی سی سیکریٹریٹ نے ملک بھر میں سندھ، پنجاب، خیبر پختونخوا، بلوچستان، آزاد جموں و کشمیر اور گلگت بلتستان میں بین الصوبائی نصاب ورکشاپس اور علاقائی ورکشاپس سمیت پاکستان کے تمام حصوں سے رائے حاصل کرنے کے لیے وسیع پیمانے پر پروگرامز کا انعقاد کیا ۔مزید برآں ، این سی سی کی ویب سائٹ پر ایک فیڈ بیک پورٹل نے وسیع تر عوامی رائے کے لیے ایک پلیٹ فارم بھی فراہم کیا ۔

سرکاری اور نجی شعبوں، غیر منافع بخش تنظیموں اور مدارس کے نمائندوں کو بھی فیڈ بیک کے عمل میں شامل کیا گیا، جس سے نصاب میں اصالحات کے لئے مشترکہ نقطہ نظر کو یقینی بنایا گیا۔ یہ تاریخی کامیابی این سی سی سیکریٹریٹ کے اس عزم کی عکاسی کرتی ہے کہ وہ ایک شفاف اور جامع نصاب تیار کرے جو پاکستان بھر کے تمام طلبہ کی ضروریات اور امنگوں کو پورا کرے۔

یہ ملک کے تمام بچوں کے روشن مستقبل کی طرف ایک اہم قدم ہے ۔ صوبائی و عالقائی ماہرین تعلیم نے قومی نصاب کونسل اور وزارت وفاقی تعلیم کا شکریہ ادا کیا اور امید ظاہر کی کہ یہ قومی نصاب ملک کے طلبہ کو جدید دور سے ہم آہنگ تعلیم کی فراہمی میں مددگار ثابت ہو گا۔