کراچی : وفاق المدارس الرضویہ پاکستان کے سالانہ امتحانات شروع ہو گئے ہیں جس میں 42725 طلباء و طالبات شریک ہو رہے ہیں ۔
2100 ملحقہ مدارس کے طلباء وطالبات کی شرکت ،712 امتحانی مراکز قائم کر دیے گئے ۔ 712 ناظم امتحانات ،1810 معاونین ،325 امین فرائض سر انجام دے رہے ہیں۔
تخصصات کے 7 شعبہ جات اور بیرون ملک (آن لائن ) بھی امتحانی مراکز قائم ہیں ۔
وفاق المدارس الرضویہ پاکستان کے تحت ملک اور بیرون ملک سالانہ امتحانات آج 11 فروری 2023 سے شروع ہو گئے ہیں، سالانہ امتحانات 2 مارچ تک جاری رہیں گے۔
مذید پڑھیں : وفاق المدارس سے 1 سال میں حفظ قرآن کی تعداد 1 لاکھ کے قریب پہنچ گئی
امتحانات میں حفظ،تجوید و قرأت ،متوسطہ،عامہ ،خاصہ ، عالیہ ،عالمیہ اور تخصصات کے طلباء وطالبات شریک ہیں۔
چیئرمین امتحانی بورڈ ڈاکٹر محمد کریم خان کے مطابق وفاق المدارس الرضویہ پاکستان کے تحت ملک اور بیرون ملک 42725 طلباء و طالبات شریک امتحان ہیں،جن کے لیے پورے پاکستان کے اہم شہروں اور قصبات بشمول آزاد کشمیر و گلگت بلتستان اور بیرون ملک برطانیہ ،نیدر لینڈ، عراق اور سعودی عرب میں (آن لائن ) 712 امتحانی مراکز قائم کیے گئے ہیں، جن کے لیے 712 ناظمین امتحانات ،1810 معاونین اور 325 امین اپنے فرائض سر انجام دے رہے ہیں۔
مدارس کی تاریخ میں پہلی دفعہ تخصصات کے سات شعبہ جات (تفسیر، حدیث، سیرت،فقہ ،تصوف،ادب عربی، اقتصاد اسلامی) میں امتحانات لیے جار ہے ہیں۔تخصصات میں طلباء کے ساتھ ساتھ طالبات بھی شریک ہیں۔
تخصصات کے لیے طلباء کے 23 اور طالبات کے 17 مرکز قائم کیے گئے ہیں ،تخصصات کے امتحانات 11 فروری تا 13 فروری ،درس نظامی کے 18فروری تا 23 فروری ،حفظ و تجوید کے 25 فروری تا 2 مارچ منعقد ہوں گے۔
تمام امتحانی مراکز میں ضروری امتحانی سامان پہنچ گیا ہے۔اور تمام عملہ نے ڈیوٹیاں سنبھال لی ہیں۔ چیئر مین امتحانی بورڈ ڈاکٹر مفتی محمد کریم خان نے لاہور میں مختلف امتحانی مراکز کا دورہ کیا اورانتظامات کو تسلّی بخش قرار دیا ۔
