اسلام آباد : ہائر ایجوکیشن کمیشن (HEC) نے یونیورسٹیوں کی کارکردگی کا جائزہ شروع کیا ہے ، تاکہ اعلیٰ تعلیمی ادارے دی گئی ہدایات اور ترجیعات کے مطابق اپنے معیار کو بہتر بنائیں ۔
ہائر ایجوکیشن کمیشن کی کوالٹی ایشورنس ایجنسی (QAA) کو HEIs کی کارکردگی کا جائزہ لینے کا اختیار حاصل ہے ۔ ادارہ جاتی کارکردگی جانچنے کے لئے QAA انٹرنیشنل پرفامنس ایولیوشن (IPE) کا ہی ایک زیلی و اہم جزو ہے ۔
کوالٹی ایشورنس ایجنسی ( آئی پی ای ) کو مزید مختلف کیٹیگریز میں تقسیم کیا گیا ہے ۔ ان سب کا استعمال تدریس اور سیکھنے کی تاثیر کے ساتھ ساتھ مجموعی ادارہ جاتی ترقی کا جائزہ لینے کے لیے کیا جاتا ہے ۔
ان کیٹیگریز کے اصل اہداف اور منصوبہ بندیوں میں ہ بات بھی انتہائی اہمیت کی حامل ہے کہ اساتذہ ، طلبا ، نصاب کی صورتحال ، تعلیمی پروگرام ، شفافیت ، کوالٹی اشورینس اور طلبا کی خدمات کو سامنے لایا جا سکے ۔
مذید پڑھیں : ڈھاکہ گروپ آف ایجوکیشنل انسٹیٹیوٹ اور ڈائریکٹوریٹ اسکول کے تحت اردو و سندھی تقریری مقابلوں کا اعلان
ہائر ایجوکیشن کمیشن (ایچ ای سی) نے تمام سرکاری اور نجی یونیورسٹیوں کو ہدایت کی کہ وہ قومی نصابی جائزہ کمیٹی کی سفارشات کے مطابق ٹیچر ایجوکیشن روڈ میپ (TER) کو نافذ کریں ۔
نظر ثانی شدہ TER کے مطابق، تعلیم میں ایسوسی ایٹ ڈگری (ADE) رکھنے والے امیدواروں کو چار سالہ بی ایڈ کے 5ویں سمسٹر یا تیسرے سال میں داخلہ لینے کی اجازت ہو گی ۔
اسی طرح تعلیم کے علاوہ دیگر مضامین میں ایسوسی ایٹ ڈگری کے حامل امیدواروں یا دو سالہ سابقہ بی اے/ بی ایس سی ڈگری (اب ناکارہ) کو چار سالہ بی ایڈ کے پانچویں سمسٹر یا تیسرے سال میں داخلہ دیا جائے گا ۔ کمی کے کورسز (15-18 کریڈٹ اوقات) مکمل کرنے کے بعد برجنگ سمسٹر کے ذریعے پروگرام کیاجائے گا جیسا کہ داخلہ لینے والی یونیورسٹی کے ذریعہ کیس ٹو کیس کی بنیاد پر طے کیا جاتا ہے ۔
