چیئرمین قرآن بورڈ ممتاز عالم دین مولانا محمد حنیف جالندھری جنرل سیکرٹری وفاق المدارس العربیہ پاکستان ترکیہ کے نومنتخب صدر رجب طیب اردگان کو انتخابات میں کامیابی پر مبارکباد پیش کی۔
انہوں نے ترکیہ میں رجب طیب اردگان کی فتح پر خوشی و مسرت کا اظہار کرتے ہوئے ترک عوام کو مبارکباد پیش کی۔
مزید پڑھیں:کراچی: پہلے مرحلے میں بارہویں جماعت کے امتحانات 30 مئی سے شروع ہوں گے
انہوں نے نومنتخب ترک صدر کے نام اپنے تہنیتی پیغام میں اس امید کا اظہار کیا کہ رجب طیب اردگان ترکی کی تعمیر و ترقی اور اسلامی اقدار و روایات کے فروغ کے لیے مزید اقدامات اٹھائیں گے۔
مولانا جالندھری نے کہا کہ ترک صدر نے جیسے اس سے قبل دنیا کے مظلوم مسلمانوں کی حمایت اور نصرت کا اہتمام کیا وہ اپنی ان تابندہ روایات کو جاری رکھیں گے۔
