گورنمنٹ کالجز میں داخلوں کے اختتام کے بعد نجی کالج فیس لینے کے پابند قرار

مزید پڑھیں : جامعہ کراچی میں مالی بحران کیخلاف اساتذہ ، افسران و ملازمین نے جامعہ بچائو تحریک فعال کر دی

مذکورہ بالا صورت حال کے پیش نظر تمام پرائیویٹ میڈیکل ، ڈینٹل کالجوں کو ہدایت کی جا رہی ہے کہ وہ ریگولیٹری باڈی کی ہدایات کی تعمیل کریں اور میرٹ لسٹ کو ٹائم لائن کے مطابق ظاہر کیے بغیر فیس کی مد میں کوئی رقم وصول نہ کریں ۔

ایم بی بی ایس داخلہ 2022-23 کے لیے پی ایم سی داخلہ کی آخری تاریخ

پبلک میڈیکل کالجز میں ایم بی بی ایس کے داخلے کی آخری تاریخ 31 دسمبر 2022 ہے ۔ پرائیویٹ میڈیکل کالجز میں داخلوں کی آخری تاریخ 31 جنوری 2023 ہے ۔ پبلک ڈینٹل کالجز میں داخلوں کی آخری تاریخ 15 فروری 2023 اور پرائیویٹ ڈینٹل کالجز میں داخلوں کی آخری تاریخ 28 فروری 2023 ہے ۔

پاکستان میڈیکل کمیشن  کے مطابق یہ بات تشویش کے ساتھ نوٹ کی جا رہی ہے کہ پرائیویٹ کالج نہ صرف مذکورہ ٹائم لائنز کی خلاف ورزی کر رہے ہیں بلکہ پی ایم سی پورٹل پر عارضی میرٹ لسٹ اپ لوڈ کرنے کے بجائے کالج اپنی ویب سائٹ پر میرٹ لسٹ آویزاں کر رہے ہیں اور طلباء کو فیس جمع کرانے پر مجبور کر رہے ہیں ۔

کمیشن نے اس کا سنجیدگی سے نوٹس لیا ہے اور سرکاری کالجوں میں داخلہ بند ہونے سے پہلے کسی بھی طالب علم سے فیس وصول کرنے کی صورت میں  ایسے کالجوں کے خلاف قانون کی متعلقہ دفعات کے تحت سخت تادیبی کارروائی شروع کی جائے گی ۔

مذکورہ بالا کو مدنظر رکھتے ہوئے تمام نجی کالجوں کو اپنے مفاد میں ہدایت کی جارہی ہے کہ وہ قواعد و ضوابط کی سختی سے تعمیل کریں اور کسی بھی طالب علم سے میرٹ لسٹ نہ آویزاں کریں، داخلے کی پیشکش نہ کریں، یا کسی بھی طالب علم سے فیس کا مطالبہ نہ کریں جب تک کہ سرکاری کالجوں میں داخلے مکمل نہ ہوں۔