جامشورو : ناظم سالانہ امتحانات جامعہ سندھ جامشورو شاہد حسین لاڑک نے ایک اعلامیہ میں مطلع کیا ہے کہ جامعہ سندھ سے ملحقہ کالجز میں ایم اے (پریویس) ایکسٹرنل پروگرام سالانہ امتحانات 2021ءکیلئے فریش امیدوار آن لائن امتحانی فارم 16 جنوری 2023ءتک جمع کرا سکتے ہیں۔
مزید پڑھیں:پاکستان بیت المال کا یتیم بچیوں کیلئے 6000 روپے ماہانہ وظیفہ کا اعلان
اپنے جاری کردہ اعلامیہ میں کنٹرولر نے مزید بتایا کہ جامعہ سندھ سے ملحقہ کالجز میں ایم اے (پریویس) ایکسٹرنل پروگرام سالانہ امتحانات 2021ءمیں شرکت کے خواہشمند امیدوار جامعہ سندھ کی ویب سائٹ annual.usindh.edu.pk پر جا کر اپنے امتحانی فارم جمع کرا سکتے ہیں۔
اعلامیے کے مطابق ایم اے (پریویس ) ایکسٹرنل کی فیس 13 ہزار روپے مقرر کی گئی ہے، تاہم متعلقہ کالجز کے پرنسپالز امتحانی سلپ، اٹینڈنس شیٹ و دیگر آئی ٹی سروسز کی مد میں ہر امیدوار سے مزید 200 روپے وصول کر سکتے ہیں۔