کراچی : کراچی کے گلشن حدید میں سیل کردہ اسکول کے طلبہ و طالبات کی تعلیم کو جاری رکھنے کے لیے آس پاس کے اسکولز میں داخلہ دلانے کا فیصلہ کیا گیا ہے ۔
وزیر تعلیم رعنا حسین کی ہدایات پر ایڈیشنل ڈائریکٹر رجسٹریشن پرائیویٹ انسٹیٹیوشنز رفیعہ جاوید نے قریب کے اسکولوں کو داخلے کی ہدایات کر دی ہیں ۔
گلشن حدید کے سیل کردہ اسکول میں زیر تعلیم طالبات کو قریب اسکولز میں داخلے دلانے کے لیے کمیٹی بھی تشکیل دے دی گئی ہے ۔ پانچ رکنی کمیٹی کے ارکان کل صبح نو بجے ابدالین اسکول گلشن حدید فیز 2 میں میں موجود ہونگے ۔
ایڈیشنل ڈائریکٹر رفیعہ ملاح کے مطابق داخلہ کے حوالے سے والدین کو بھی رابطہ کرنے کی ہدایات دی گئی ہیں ۔ طلبہ و طالبات کی تعلیم ضایع کیئے بغیر قریبی اسکولز میں داخلہ کروانے کے لیے کمیٹی کردار ادا کرے گی ۔
والدین نئے اسکول میں بھی وہ ہی ماہانہ فیس ادا کریں گے جو سیل کردہ اسکول آئی جی ایم ایجوکیشن سسٹم میں ادا کرتے تھے ۔
