سندھ کے کالج اساتذہ کی نمائندہ تنظیم سندھ پروفیسرز اینڈ لیکچررز ایسوسی ایشن کےوفد نے مرکزی صدر پروفيسر منور عباس اور مرکزی سيکريٹری جنرل پروفيسر شاہجہاں پنہور کی قیادت میں سيکريٹری کالجز احمد بخش ناريجو سے ان کے دفتر ميں ملاقات کی۔
اس اہم ميٹنگ ميں ايڈيشنل سيکريٹری کالجز غلام مرتضیٰ شيخ، ايڈيشنل سيکريٹری کالجز پروفيسر فقير محمد لاکھو اور ڈائريکٹر جنرل کالجز پروفيسر ڈاکٹر محمد علی مانجھی بھی شامل تھے جبکہ سپلا وفد ميں پروفیسر محمد جڑيل شاہ، پروفيسر کريم احمد ناريجو،سینئر ڈی پی ای خرم رفيع، پروفيسر عبدالمنان بروہی، پروفيسر سعيد احمد ابڑو، پروفيسر رسول قاضی ، پروفيسر عامرالحق، پروفيسر عارف يونس اور پروفيسر شبانہ افضل شامل تھے۔
سيکريٹری کالجز احمد بخش ناريجو نے مرکزی صدر پروفيسر منور عباس سميت سپلا وفد کو خوش آمديد کہا۔ ملاقات ميں سيکريٹری کالجز اور سپلا کے درميان سندھ کے کالجز ميں تعليمی معيار کی بہتری اور کالج اساتذہ کے مسائل پر بہتر ورکنگ رليشن شپ قائم رکھنے پر اتفاق کيا گيا۔
سپلا کے مطالبے پر سيکريٹری کالجز نے بتاياکہ صوبے بھر ميں 26 نئے کالجز قائم کيے جا رہے ہيں اور ضرورت کی بنياد پر مزيد نئے کالجز کھولنے پر رضامندی کا اظہار کرتےہوئے سپلا کو اس پر ورکنگ کر کے لانے کا کہا، اس بات پر بھی اتفاق ہوا کہ کراچی، حيدرآباد، خيرپور ميرس اور جامشورو سميت جس بھی شہر ميں ضرورت ہو نئے کالج کھلنے چاہيے۔
سيکريٹری کالجز نے گريڈ 17 سے گريڈ 20 تک تمام سينارٹی لسٹيں اپڈيٹ کرنے کے احکامات موقع پر جاری کرتے ہوئے باقی ماندہ پروموشن بھی جلد مکمل کرنے کا یقین دلایا۔ اس حوالے سے گريڈ 17 کے ميل اور فيميل ليکچرارز کی ڈی پی سی کے انعقاد اور اس کے ليے کاغذات کی تياری کے ليے جلد احکامات جاری کیے جائیں گے جبکہ سپلا کی جانب سے دوسرے صوبوں میں کالج اساتذہ کو فائيو ٹيئر کے ملنے کے متعلق کاغذی شواہد اور سپلا کی جانب سے تيار کی گئی فائيو ٹيئر کی دراخواست، ورکنگ اور موازنہ بھی پيش کيا۔
سپلا کے وفد نے کالج اساتذہ کی طرز پر لائبريرين اور ڈی پی ايز کو جلدفورٹيئر اسٹرکچر دینے کے ليے سمرے بنانے کا بھی مطالبہ پيش کيا جس پر سيکريٹری کالجز نے اس پر مثبت جواب دیا۔
مزید پڑھیں:ثانوی تعلیمی بورڈ کراچی میں 4 روزہ ورکشاپ کا انعقاد
سپلا وفد نے محکمہ تعلیمات کالجزحکومتِ سندھ کے ملازمين کو ہيلتھ کارڈ کی سہولت دينے کے مطالبہ کیا جس پر سیکریٹری کالجز نے ایڈیشنل سیکریٹری کو حکومت سندھ کی پالیسی سمیت دیگر سرکاری محکموں ميں اس حوالے سے پاليسی کا جائزہ لیکر رپورٹ جلد پیش کرنے کو کہا ۔
سندھ کے کالج اساتذہ کو بھی یونیورسٹیز کے اساتذہ کے مساوی ایم فل پی ایچ ڈی الاؤنس دینے اور اس پر ورکنگ کرنے کی بھی یقین دہانی کروائی، اسی طرح ایم فل پی ایچ ڈی کی گذشتی کئی سال سے رکی ہوئی این او سیز کی تفصیلات جمع کر کے سیکریٹری کالج ایجوکیشن کو پیش کرکے اس مسئلے کو حل فوری کرنے پر بھی اتفاق کیا گیا۔
دوسری جانب کالج اساتذہ کو تکليف سے بچانے کے ليے ہر قسم کی اين اور سی اور چھٹيوں کی آن لائين درخواستيں دينے کی سہولت دينے کے علاوہ ديگر مسائل کے حل کی بھی يقين دہانی کروائی۔ آخر ميں سپلا کی جانب سے مختلف مسائل پر بات چيت اور حل کی يقين دہانی پر سیکریٹری کالجز احمد بخش ناریجو کا شکريہ ادا کيا گيا۔
